عااااااينو معاي لي قدام....
 

السلام عليكم بالعربي كدا وكلنا مع بعض وبصراحه كانت هناك أفكار قد نشرت عبر هذا المنتدي وأكد وأصحك علي أفكار مامشاريع ومنها تحديدا مشروع التكافل الخيري . عنبر الولادة . وهلم جر من المواضيع أسألكم لية نحن عندنا كتير من الأفكار المامنفذة لية؟ طيب دا كلووو كوم وتعالو معاي لمقابر فطيس الأصبحت ملعب يترس فيو الشباب ومعبر يمر به المشاة وطريق قصير لبعض العربات الماشه جنوب طبعا غير مبالين بحرمه المقابر وإنو في ناس تحتك بيسألوا ويحاسبوا معظمنا بنمر بالمقابر ولسان حالنا والله لكن عاين المقابر دي بقت كيف؟ ونحن الخليناها بقت كدا أيوة نحن والبقص القلب قبر الفكي علي رحمهم الله جميعا ورحم الأستاذ الهميم الهادي حجازي الكان فعلا رئيس لجنة لكن وينهم ناس اللجنة المقابر دي ماعندها حق عليهم ولا ... أحسن أسكت أها ياجماعه ماتقروا كلامي دا وتقولوا دي خرفت أنظروا الي موتاكم كيف أصبح حالهم لا وفوق اللعب يتلافظوا بألفاظ كدا ويسبوا الدين أحححي أنا عليهم ياجماعه أخدوا ليكم موقف وإغتدوا بالفات ....
ولكم إحترامي ..

والحاضر يكلم الغايب

دي من المشكلات الاعيت من يداويها واعتقد ان دواها الكي .

عندي مقترح ليس قابل للتطبيق

نقوم نرحل اهلنا ديل من المقابر دي نوديهم مقابر حمد النيل او شرفي ولا شنو رايكم يا جماعة

التحية لك رشا وياهو دا الدايرنو من الناس القاعدة هناك... عكس حال البلد
وتوجيهنا... حتي لا تنفصل افكارنا عن واقعنا الحقيقي
المقابر... اعتقد مقترح التسوير...مقترح...بالرغم انه يكفينا شر كثير من الحاجات الذكرت
ولكنه غير منطقي... ليس فقط التكلفة... ولكنه سوف يحتاج الي دراسة حدود...وخطوط كونتورية
حا تلولو الموضوع وتمطو الي ما لا نهاية
فقط أتساءل لماذا لا توكل مهمه متابعتها....للشرطة...التي أعتقد ليس مشغولة "خالص"
هناك مجموعة من الشرطة... أعتقد أنها كافية "من كترتهم لمن احتفلت بعودة هجليج"
ممكن لها ان تبرمج طوفانات .... نهارية وليلية..... في اوقات غير مرتبة
للحد من هذه التجاوزات.....
مش شرطة في حماية الشعب...حيا كان او ميتا
.......
أفتونا