اهدا للكفوه(منعم -عبدو-فاروق- مامون)0
 

(وَتِلْكَ الأيَّامُ نُدَاوِلُهَا بَيْنَ النَّاسِ)

أضغط هنا لمشاهدة الهدف الأول

شُفت نحن كيف

هدية من المريخ للهلال
 

بطيب خاطر يا ود الشايب تنازل الأحمر الوهاج عن نقاطه الثلاث للهلال , المنطق والعقل والامكانيات تؤكد تنازل المريخ عن نقاطه عمداً ليحافظ علي استقرار ووحدة الهليل الخمساوي, راعي الضأن في الخلا يعلم ماسيحل بالوصيف في حالة خسارته امام الزعيم , النيران ستشتعل في ديارهم , يطردوا المدرب, والمجلس يستقيل, الفريق ينهار(رغم انو اصلاً منتهي) ..والدوري يحسم من الدوره الاولي..

جماهير الصفوه تحب منازلة الاقوياء..3 نقاط هديه من الزعيم لكل الفرق المحطمه المنكسره حتي يشتد عودها وتحاول منافسة الزعيم علي اللقب ..

المحصله .. صداره مريخيه بفارق 3 نقاط عن الوصيف + رفع الروح المعنويه لبعض الفرق وانقاذها من الضياع + ضمان استمرارية التعاون وامبده وكامبوس لموسم اخر مع الهليل

الفاروق أخوي أزيك وكيف حالك خلي أخونا دكتور هيثم أقيس ليك الضغط والحرارة الظاهر قاعد تهضرب ساي .. الكانوا بجدعوا في الملعب ديل جوا من أسرائيل ولا الشلاليت الشفناها ديك كانت مني أنا .. الفوز والهزيمة بنات عم .. ما بنات عم ديل تيمان زي الغزال وكاريكا لا ينفصلان بأي حال من الأحوال .. عشان كده المكابرة خليها وأرضي بالمقسوم .. وأنت زعلان ليه .. الفريق الشفتو أنا دا لو رجعنا خمستاشر سنة لوراء وجانا في فطيس نرجعو وقفتو مليانة .. قال تنازلنا قال .. هي القونين ديل ما حارات وهارات .. يالوالي هرتنا .. هاك طارق مختار دا ؟؟

والله يا عارف كورة كانت مرض وحرام تكون تحت كاس العالم.........الهلال يستاهل الفوز
ليس لأنو لعب كورة لكن كان أحسن السيئين
والمريخ نجوم من ورق كرتون مصنوعة في أعمدة جرايد
وبرضولو الهلال مافاز كان إتفرتق.......من عدم الموية في التمارين
مبروووووك

عبدو أخوي أزيك .. تعرف لو لي سلطة بس نص دقيقة واحدة بس واطلع قرار واحد حيكون أيقاف النشاط الرياضي في السودان لمدة عشرة سنوات عشان نطلع لعيبة وصحافة مسئولة وناس تعرف تدير النشاط الرياضي عامة في البلد .. والشفناهم ديل والله مايستاهلوا أبيعوا موية في شوارع جوهانسبيرج خلي أتفرجوا .. المشكلو مافيهم هم .؟ المشكلة فينا نحن المصدقين عندنا كورة وكمية بتاعة صحافة رياضية حتي ما موجودة في البرازيل .. وهاك يانفخ في اللعيبة والواحد أصدق أنو مافي زيو في العالم .. بالله عليك طارق مختار مش المفروض أكون حطابي .. ألم في الجنابية دي أعدما أسم الشجرة وغيرو كتير.. الله أكون في عون الرياضة .. رياضة آخر زمن .. زمن الوالي والأرباب الجابو للرياضة الخراب ..