منتديات قرية فطيس - العرس العرس

الاخت ام باسل سلااااااااام
جميلة صينية الجرتق دي لكن مالا خاوية علي عروشها يا ريت لو كان فيها حنة وشمعتين كدا والمخبر دا فيهو فحمات لتكتمل اللوحة بخيال كل فرد صورة عريس وعروس ولبن ورشاها ولا لا قال ما برشها هي ياخواني غدر بيها من هسي ما قال بشربو ساي ما برشها ؟؟؟؟؟؟؟
وطالما جات سيرة العرس اسمعي الكلام دا ورينا الشورة كيف؟؟؟؟
كان في مجموعة من البنات بتناقشو والعرس بقي صعب والاولاد بقو ما بتعجبن اي بت ومواصفات العروس عندهم يا ربي بقت شنو ؟؟؟ وكلام من النوع دا
اها في اللحظة دي سمع الكلام دا واحد قطرو ذاتو فات فيهو الفوات ظنيت اكون راس السوط هبشو قام قال لي واحدة فيهن هوووووووووي دايرا تعرفي المشكلة شنو بالضبط :
قالت :ليهو ايوا بالحيل
قال ليها:
مشكلة العرس في المرحلة الحالية
ما برضى العريس بى واحدة عنقالية
تفلح لي سواة الكسرة بالتقلية
وكان درتي العرس لا بد من آلية
تصلح لي إدارة المسألة المالية
*********
معروف زول نصيحة ومن نشيت تبيت
وهاك مني الصحيح الخالي من لخبيت
جهزي قطعة أرضك وأبني فيها البيت
وموديل السنة عربية شفروليت
وبجيك العريس لو من جبال فرتيت
اها عاد بعد الكلام دا تاني عندنا كلام!!!!!!!!!!!!!!!!!!!!!