اسماء من منطقتنا دفع الله مصطفي ابراهيم مثالا
 

بعيدا بعيدا عبر السنوات

وعندما نخترق حجاب الزمن

اري جماعات وافراد حول ملعب المنطقه المترب

وكلهم منبهرون بالاعب الفذ دفع الله مصطفي

مازلنا نذكره جيدا بتكوينه الجسماني المميز وقدراته العاليه في التعامل مع الكره

وكما ترك دفع الله مصطفي اثرا لايمحي في ميادين كرة القدم

مازال يعطي في مجالات اخري كثيره بعضها يطفو علي السطح

وبعضها يظل طي الكتمان

لكن في كل المشاريع الكبيره كنا نجد بصماته واضحه للعيان

اتمني ان يخرج دفع الله مصطفي من صمته ويتحدث عن

احباطاته وفرحه واماله التي تحققت والتي ذهبت ادراج الرياح في المنطقه

دفع الله مصطفي كان من ضمن المجموعه التي اعادت النادي

الي الواجهه بعد طول توقف فقد عمل في تلك الفتره هو ورفاقه

لاعادة الحياة للنادي

لهم التجله

التحيه لاخونا دفع الله مصطفي ونتمني من يعرفون الرجل بشكل افضل الاضافه لهذا البوست

دفع الله مصطفي من ماشق الله عينا الزول دا طافش ما نشوفوا الا جاي من لندن ماشي مكسيكو سيتي وحايقشا هونج كونج وعندما ياتي يتسم بالمرح والضحك دا كان ما اخاف الكضب اغلب البعرفوا علا في ناس تاني بكونوا بخبروا كلام عنوا نتمني المداخلات منهم والاضافات .

كان يلاعبنا ونحنا صغار والان يحترمنا وقد اصبحنا كبار.
علي ما اذكر كان يلاقينا في الشارع
ونحنا شفع في الفريق ويقول لينا في كلام ؟
لو قلنا ليهو في كلام يشيلنا بي ايديهو فوووووووق
وما ينزلنا الا نقول ليهو ما في كلام .
ولو من البدايه قلنا ليهو ما في كلام برضو يشيلنا .
\وما ينزلنا الا نقول ليهو في كلام
كنا نفتقدهو لما يكون ما موجود في الفريق
ولما نشوفو نجر نخلي ليهو الشارع.
شخص يمتاز بالبساطه الشديده .
رغم مشغولياتو الكتيره
كل ما يجي الحله يلف الفريق كلو بيت بيت يسلم علي ناس البيت
وفي دقيقه دقيقتين يكون في الشارع ويقول ليهم بجيك
وتاني ما يجيك الا في الجيه الجايه
احيانا تكون معاو يعرفك علي زول مسؤل كبير
واحيانا يعرفك عل شخص عادي جدا ويقول ليك دا صاحبي
لما تستغرب تقول الزول دا بيعرف الناس البسيطين ديل من وين
الزول ده عمرو كلو بره السودان زي ما قال ياسر
لاقاهم وين
اعرف عن اعمالو الطيبه الكتير
ودي حاجات ما ظاهره للناس
واحسن نخليها ليهو في ميزان الحسنات
نقطه سطر جديد
خايف ازيد تقومو تقولو الزول دا بيشكر في نسيبو[