تجربتي مع المصران العصبي
 

[]من زمن بعيد كنت اعاني من الام في البطن
واحيانا صعوبه الهضم عندما اتناول بعض انواع الاطعمه
مما افقدني القابليه في الاكل وكنت اعذيها لما يسمي بالمصران
كسائر خلق اللله الحايمين في الارض
واجريت بعض الفحوصات وطبعا ما لقيت اي حاجه
عشان كده اقتنعت بانو عندي مصران وبقيت عايش علي النغمه دي
كل ما تقوم علي وجعه اقوم اديها حبه ولللا حقنه مغص والامور احيانا تمشي واحيانا تجر
لكن في النهايه الحكايه في اغلب الاحيان بتعدي علي خير
المهم في بدايه رمضان اصبحت الام تعاودني في بطني بصوره مستمره وقلت الحكايه دي من المصران
واكيد من الابري والحاجات دي
وقمت شغال ليك فيها بالحبوب والحقن من غير جدوي
ومرات كانت بتخف شويه
الا ان اصر زملائئ دكاتره انو لازم امشي المستشفي
واعمل فحوصات وبعد الموجات الصوتيه
ظهر انو عندي التهاب حاد في الزائده الدوديه
لكن ما مكانها الطبيعي قاعده فوووق جنب الكبد
وتم ادخالي عمليه مستعجله لاستئصالها
والحمد لله ربنا لطف في الوقت المناسب
الغرض من الرساله دي انو ما كل وجع بطن دا معناعو انو مصران عصبي
حتي لو في زول متاكد انو دا مصران عصبي
لازم يجي الطبيب ويصر علي عمل الفحوصات
لانو نحنا بنعرف انو تشخيص المصران العصبي
بيتم بعد استبعاد كل الاسباب الاخري
يعني الزول يكون عمل فحص البول والدم والفسحه
والموجات الصوتيه والمناظير للجهاز الهضمي معده وقولون ومستقيم
واي دكتور يقول ليك عندك مصران
من غير يعمل ليك الفحوصات دي بيكون ما امين معاك
ومشكلتنا نحنا السودانييين دايما بنشخص برانا
وبنعالج روحنا برانا في اي حاجه
حتي الدكتور مفروض انو مفروض ما يعالج نفسو
ومفروض يمشي لي دكتور تاني علي الاقل
شفاكم الله واتمني ليكم صيام وقياما مقبولا
عبدو مصطفي انت الزايده بتاعتك دي شالوها كيف
اوعي تكون كنت متخيلها مصران برضو[/

نقول حمدلله ع السلامة.... والزائدة القاعدة فوق دي الله ريحك منها
الغريبة إنو أول تجربة حقيقة لي مع غرفة العمليات كانت زائدة برضو
ألم غريب بدأ من الصباح...وحاولت كل الممكن التخلص منو
لكن كان الألم متزايد... مشيت الي أقرب مستشفي وفعلا أول من الفحوصات
الأولية قالو إلتهاب في الزايدة "Appendicitis"
تاني يوم إتلمو فوقي...وطوالي علي العملية...
الحمدلله قالو لحقوها قبل تنفجر....
فهذه من الأشياء التي لا تسمح بالتأخير
ونسأل الله أن يبعد شر هذا المرض من الجميع

الاخ الدكتور هيثم
لك التحية
في الحقيقة الموضوع كان شيق والمعلومة كانت ثره
مصران وكمان عصبي حكاية كانت بتحيرنا شويه
ذي مصطلح غسيل اموال كثير منا بيعتقد ان غسيل الاموال هذا عباره عن طشت كبير ونازلين فيها نضافة وبعدين حا تكون في مكوه ليها
مره اخري لك التحية
علي امل العوده في تعريف معني غسيل الاموال