تعرف على ام محمد
 

بسم الله الرحمن الرحيم
والله ياجماعة جاتني كم رسالة وكم استفهام

من هي ام محمد؟ وانتي منو ؟

وانا هنا بكامل قواي العقلية قررت ان اقول من انا

واقطع زي جهيزه كل حبل غسيل ,....


يلا تعالوا



الاسم : انا بنت الضربو رما بن الشافو خلى ليو الشارع بنت تور الجر

العمر : قالوا سنة نميري مسك الحكم .....يعني كم ياربي 19 سنة

الحالة الاجتماعية : من ام محمد دي متزوجة وام لي دستة عيال ناقص خمسة قالوا ما شاءالله

اربع اولاد : الكبير ابو نارية و التاني البليلة الفايرة والتالت النار ولعت و الرابع الهبلة

البنات : هن الدباية و الحسكنيت و القراصة .......

الهواية : الشمارات والبهارات
المنزل : بيتنا جنب الشارع وفيو شجرة
ياربي فيكم لبييب ولا خلاص راحت عليكم البركة في الوليدات

أنا عرفتك من فطيس ذات عفاف وتقي .. ترفلين في ثوب الحشمة والوقار .. تجلبين السعد عند اهلك وترسمين البهجة حبور وسرور بين ذواتك .. رأيتك والقمر يغيب قال القمر هنا بيتكم حيث أغيب ــ القمر ــ تثأبت الشمس تطرد عنها النعاس قالت أنك من شروقها تطلين من شرفة الاصباح والرؤي .. تلقمين أطفالك فطور الورع وفكة ريق الحياة وأبو محمد متبسماً راضياً .. عرفتك ؟ قد أكون ذلك اللبيب ( بس حسكنيت دي .. مشكلة !!!

قد لا تكون اللبييب
بقولوا كل زول بشيل من اسمو لاكن انت ما عارف انت والله اعلم فكي عارف

أم محمد أنتى بتحسبى كيف ولا دايرة تاكلينا حنك لانك اذا مولودة سنة نميرى مسك الحكم كيف يكون عمرك 19 سنة ؟ هو حساب ولا كوار ؟ لان نميرى مسك الحكم
سنة 1969 وحتى الان 33 سنة يعنى 14 سنة طلعتيها كسير تلج فى الوكت ألى فيهو أنتى مواليد 1984 والايام الجاية دى يمكن تنقطعى عن المنتدى لعدة أيام لزوم
سفر خارجى وكدا .... كفاك ولا ازيدك وبالمناسبة أنتى مرشحة للجلوس على الكرسى حاليا وفى حالة الرفض بنكلم المدير يسحب كل مشاركانك امسكى الخشب ... أبوعبدالرحمن
شنو ليك

لا صراحه يا ود سعد ده شغل معلمين ...................... انا عايز اكمل تعليمي

والله يابت الشافوا خلوا نعم السي في c.v ودا الكنا راجينوا من زمان وياداب ان عرفتك يا الساكنة جمب الشجرة والكتي بتلعبي فيها الطوطحانية ونط الحبل لكن ما شاء الله رغم صغرك لكن ما شاء الله دفقت دفق جد عييييييييييك ( البليلة فارت والقراصة والهبلة والنار ولعت ) وان شاء الله عقب تجيبي لهيب الشوق وعوج الدرب والجارعودوا والسمح جيبوا والنملة قرصتني والباعوضة اكلتني والقعونجة طفرت .
تحياتي لفريق الجوطة الفوق دا وقليهم عمكم بجيكم يوم 30 - 2 - 2012م وجهزوا الجداد المحمر .

الاخ يوسف والله مبااالغة انت عارفني مسافرة وداير تقعدني في النجاضة مالك

وبعدين 33سنة جبتها من وين 3و3 مرتين رشيت مازدا ولا ايه ... كان قلت

22سنة الله داير احاسبك في داعي تحكها كدة ..

الاخ خليفة :

عاش من شافك كمل تعليمك مالو بس انت الان في سنة كم تعليم

الاخ ياسر

فريق الجوطة يرد ليك تحياتك باحسن منها ومجهز ليك الحديد المجمر وبالهناء والشفاء

ام محمد نضميك كتير
وشكلك كده منجضه ابو محمد
لكن لو نزلتي القزاز المظلل ده شويه يكون احسن

الاخ عاطف البدوي بعد السلام

وانت الصادق رسايل لاكن جابت لي الهوي والعصار , وحدو العمر دا خلوا بعيد

جايك في الحديث

اها وتلميع شنو هو النجمة - النجمة النجمة وخط خطين تحتها محتاجة تلمييييييييع

ايمكن تتغطي بغيمة لاكن لا تزال النجمة لامعة وبي لونين كمان ....

بخصوص رسايلك والمعجبين

الشمار عندي قالوا كل الرسايل البجيييك كلها فاضية ما قصرت معاك ساعدتك في المسح وكده