تلاته متقاودين , فى فطيس ما شين
فى الصوره دى فى ثلاثه اشخاص ما شين معاهم عمك شايل عكاز شكلهم مشكلين عارفين اسمو ااااااااااااا ............ والاثنين الصغيرين واحد اسمو............ والتانى معروف للمفتحين والشارع معروف والشمس على المغيب يلا سريع قبل الضلام اخش ونبقى ما شايفين , تنشيط ذاكرة المغتربين و الفى السودان الحلوين
هاكم الصوره http://store2.up-00.com/Dec11/kh553428.jpg |
قدر ما عينت فيها غلبتني كدي جيبا من زاوية تانية ، بعدين الشمس جاهراني شوية خليها تنزل شوية وبجيك راجع
|
الاخ محمد ابراهيم مشكور وريني الباب الابيض ابو ضلفتين بيت منو وابو تلاتة ضلف بيت منو بجيب ليك المتقاودين وماشين اشاكلو منو
|
الباب علي يمين الماشين ديل يخيل لي بيت أبراهيم أحمد ابراهيم التوم .. والباب المقابل الماشين منزل عبدالله أبراهيم التوم ..وعلي اليمين بيت المرحوم دفع الله الحسن .. صاح ولا غلطان
|
يا زول غيرت رأي .. الباب عي يمين الماشين باب حسين بخيت .. وعلي اليسار منزل العم مهدي أبراهيم .. والمقابل منزل عبد الله أبراهيم .. الماشين ديل الحاج أبو عصاية ممكن أكون واحد من أتنين يا عمنا عبدالله ابراهيم .. أو أبراهيم أحمد .. والشباب واحد أبو دقنوس دا محمد أبراهيم أحمد .. صاح ولا جلت
|
كان كلام الاخ عارف صحيح الناس ديل ناسك والشكلة عندكم براكم زيتكم في بيتكم والناس ديل انتو زاتكم
|
Quote:
يا حاج ياسر معقوله دى ما عرفته الناس ديل اه حسى الشمس غابت كشف تانى |
Quote:
|
Quote:
يا ام محمد خلى كلام عارف وخلى زيتنا فى بيتنا الناس ديل مينوووووووووووووو |
يا جماعه 47 مشاهده مافى زول عرف ساااااااااااااى
|
أنت يا محمد لو جبتهم في نص النهار ما أظن أتعرفوا .. بس الشارع كان كسرت رأسك ياهو زااااااتو
|
Quote:
اعصابك يا عارف انا اتفق معاك انو انت عرفت الشارع بس ان السؤال حقى مينو ديل وكان قلت الرووووووووب بوريك ليهم |
التحية للمهندس محمد الذي اثار فينا شجون المعرفة والتمعن لكن يبدو انة جاء في الزمن الضائع بعد ما الكبر دخل بالرغم من محاولات عارف المستميتة بالتشبث بالشباب ويبدو ان اخونا عارف اصاب في التعرف علي الشارع واستسلم بدون اي مقاومة تذكر في محاولتة علي التعرف علي الاشخاص ولكن يا اخونا محمد لازم تراعي فارق العمر والزمن الذي فارقنا في الحلة والشباب .
كدي ادي عارف محاولة اخيرة . |
يا جماعه الموضوع ساهل جداً يا عارف كدى حاول مره تانيه |
أخونا ياسر قاصد نفسو .. اما عني أبيت ما داير فرصة ولا يحزنون .. شوف ليك موضوع آخر
|
الاخ عارف
لك مني التحية دائما آخرك قريب وعامل فيها انت ولد متين الطابق مستور وياسر ده وليد متين نحن ما حاولنا حتي نعرف الشارع والسبب محمد ابراهيم ده ذاتو انا ما عرفتو الا بعد ما راجعته اسمو اكتر من مره كل الشفع الخليناهم صغار بقو كبار الا ابو عبد الرحمن ها ها ها.............. |
الأخ محمد إبراهيم لك اتحية لي عدة ملاحظات على الصورة (-) الشكلة ليه؟ عشان صاحبنا دا شايك عصاية؟ (-) حليل زمن كنا نسمع (جمعة محمود) يردد : العصاية من الكلب والسكين من السلِب وفكة الريق مع الصباح مسمار قلب (-) الصورة تحوي مقارنة بين جيلين، جيل العراقي والسروال والعصاية وجيل البرموده والحلاقة الموضه (-) أبو برموده الشمالي دا (داقي سيستم)!!!! (-) الأرضية ذي الليل والواطه نضيفاااا وكان دا فريقكم اُخد ليك إجازة إسبوع وأمشي عليهو (-) لكن عندي ليك سؤال أبّان برمودات ديل منو؟ |
يا عارف بطل الجرس وتانى حاجه اعصابك اصبر شويه بوريك ليهم بالصوره
يا عبد المنعم الشارع حقنا والناس ديل زاتو ناسنا اصبر لى شويه بوريكم ليهم قريباً ام الخال ياسر انبطح بدرى |
All times are GMT. The time now is 11:53 AM. |
Copyright ©2000 - 2024, Futeis.com