كلام ساكت!!!!!!!
 

والله كلام مبالغة هههههههه منوين الكلام ده كلو متنا من الضحك

مجنتر- مقرطن- مغبش- جرسه بضم الجيم- مفجخ- مفرجخ- مشعلل- كوركت- مجكس- مصنقر

والله انتو ناس لذيذين بالجد هي نان نعمل شنو مايهو دا نضمينا

زنقت العربية - نجض الملاح - اتقطع اللبن- السما بطنو طامة - عفرت السحاب
قام جا شحيط محيط شرب المطرة

هههههههه....حلوة الفكرة وفي كلمات كادت تنقرض...الواحد ليه سنين ما سمعها....بس ياعبدو انت بريطانيا دي فيها فريق ورا؟؟؟؟
بالله ضيف معاك للقاموس كلمة نضمينا دي
كلمة نان دي يا فيس لو قلتها في ماليزيا بيجيبوا ليك قراصة باكستانية...

فريق ورا دا قاعد جوه......البركة في لمت الناس هنا...الواحد بقي قريب للبلد

إنت في نان ولا نحن الشعب الوحيد البتكلم ساكت....طبيعة "ناس بدخلو ليها كورسات"...وبقوم يقعد

ويتواصل الكلام الساكت:

قرطع موية الجك كلها
الكبسيبة شنو
طربش ليهو...قام..إنظلت في ركبتو
أخرُش الكبريتة دي......
تشتو جمرة

نضمو بلا منطق
عندي مغص في بطني...........يعني ح يكون في ساقك
أديني موية زرقا ساي.........جابت ليها عما ألوان
المطرة صبت..............طيب لوما صبت برضو اسما مطرة
أبقا داخل لي جوة...........هو بالله في طريقة الذول ادخل لي برة
النار ولعت...............هي قبل ما تولع كانت نار
..............................
ونواصل
كُررر عليكم

جلحاتو...وصلن نص راسو.......
حلقي انقرش من الكواريك...........
......................
غلوتيات....
- كان شالوه ما بنشال .. وكان خلوهو سكن الدار
- قطع البحر بلا عضم ضهر
- دخل القش ما قال كش
- عتودي ود الحرام ضبحتو الليلة وباكر قام
- ملكين في ككر .. كان ده غاب ده حضر
- حجر حجرجر .. حجارة؟ .......... لأ
رقبة طويلة.. نعامة؟ .............. لأ
تبيض وتفقس.. جدادة؟ .............. لأ
تعضي وترفس.. حمارة؟ .............. لأ
- من فوق راكوبة .. ومن تحت راكوبة ... وسطهن صبي يقلب في الهوبة
- هي فيك وإن عرفتها بكريك
- حبوبتي من جنها شالت جدي في سنها
- حبوبتي في ديوانا تأكل في مصرانا
- عيشي شريتو .. قمت الصباح ما لقيتو


مخرج
"حل الغلوتيات عند الطلب"

يا عبدو حسي الكلام دي نكتو من وين . أجي يا ود اعمي ياها ونستنا البنعرفا .اضف كلام كتير كتره

يا سحر...."حسي" دي ناس بقولوها "هسي"......ودا المهيرنا زاتو
.............ويتواصل الكلام الساكت.......
يا جنا أقبض السوسيو دا السبيبة بتقطع كراعو
يا مرا الموص دا مالو خمير كدا
اها الحلة دي ألايقا ليكم ولا ترشوها سليقا ساي
الجرييو دا انبح الليل كلو حمانا النوم
...........

معالم مرتبطة بالحلة
الفرضي.....كبري الهوا ( ولا الهوي ما عارف)....ورا الترعة....النخلات.....حواشة البرعي
جنينة أدم جادين.....ابعشرين العوض...المشايا...جنينة عباس....ترعة أم حسون
الجنابية....ساحة البير....بيارة الشيخ


ومن الكلام الساكت
حاجون باجة كرصُن فاجة
جانا كلب سنونو صفر
حلب الناقة في الشرنقاقة
بتريد أمك ولا أبوك
.................
بنبقا ولا عصا
كان اتوفقت في الإجابة ....الله عفا
وكان غلط........شيلو واردع بي الواطه
.......

"علمونا بيها معني الإختيار....وتحمل القرصة والرزعة لكن ما فسروها لينا"

مخرج للزوغة:
الكلمات بالاحمر ...نحتها من الزاكرة إن كان فيا غلط لفظي فالعتب علي الذمن

الاخ عبدو: سلاااااااااااااااام
غايتو اتوفقت دي اصلا ما دخلت راسي دحين الزمن داك كنتو مستسقفين للدرجة دي؟؟؟؟؟؟؟؟؟؟؟؟؟؟؟
بعدين نحنا كنا بنقول :
يا ام احمد دقي المحلب
في توب احمد
احمد غايب في الركايب
جانا كلب سنونو صفر
حلب الناقه في الشرناقة
اولاد مسعود السبعة قرود
في راس العود
تريد امك ولا ابوك؟؟؟؟؟؟؟؟؟؟؟
لكن ماهي الركايب التي غاب فيها احمد
وماهي الشرناقة التي حٌلبت بها الناقه؟؟؟؟؟؟؟؟؟؟؟؟؟

ههههههههههه
دا كان تفسير للعبة....يعني في ذول بقول الكلام دا معقولة بس يقول كان اتوفقت
الله يديك العافية
بالمناسبة ديل لعبتين مختلفات
الأولي قرصة في ضهر اليد والتانية ام دلدوم في الضهر

كثيرا مانسمع خبر السواد واللواد ماهو اللواد نرجو الافادة للذين عاصروا الحبوبات

قال كانوا بقولوا ( ضبح الناقة بالسنقاقة ) ومعني السنقاقة ( بالسين ) هي السعفة الحادة وكانوا يستعملونها في ذبح العصافير..
والشنقاقة هي ماعون من السعف والجلد يحلب فيه اللبن .. وواحدين بقولوا الشرنقاقة وهي بعدما ننقي العنكوليب ونرمي الشرايح ,,اها الشرايح دي الشرنقاقة
طيب ياخونا عبده السجم والرماد كيف والرمادة دي في خشمك .. وسجم خشمك .. والترابة دي في خشمك .. أب وشاً مسنوح ( منحوس ) وأب وشاً محنوف .. بالمناسبة ناس الخليج الخشم عندهو يعني الأنف ونحن والمصريين عندنا الفم !!!

الموسيقي التصويريه في كلامنا الساكت

كو...كو ..دق الباب
طااااخ.....طاخ.... اداهو كف
تترب تترب....دخل براحة ذول ساي ما حسا بيهو
تنقز...تنقز...شالت الخبر ولفت بيهو
كش .....كشح الوسخ
فرررررر......طار
وسوسوسوس......نقل ليهو الكلام بالحتة

تخريمة لي ياسر: سألت قوقل عن اللواد
وااااي كورك

قوقل شنو يا شيخة.....نحن بنمش لي قوقل...لما تقيف قدامنا حاجة ذي السواد واللواد دي
لكن دا أكتر....بوست بياخد معاي ذمن...عشان ..بتزكر حاجة بجي بختها وبعد أحك في راسي
...............................
لكن ألز كلمة مكيفاني....جُمبلغ دي....مبالغة
.....................
وبعدين الزول دا جا رمي ليهو الخبر...بردلب
وهناي داك ركب حمارو ...وكربك كربك....مرق في ودا البليلة
...............

جمعة سعيدة للجميع واكاد قد اتيت علي البوست من اولة من شدة ماهو جميل شكرا يامدير للمجهود المبزول
من الاشياء الغريبة في الكلام مثل
الوردة بضم الواو اقوليك الوردة تاورتوا .
وعندوا تيتوار . شوف لغودوا .
وجاو شيرهان .
وعندوا دبس .
وقام من النوم مكبس .
وقام صوف .
ومعط ريش الجدادة .
وفلسع .
وضهبان .
والتنقرارة .
وعييييييييك والباقي لعبدو

بوست جميل جدا تسلموا يااااااغالين

ياسر إضافتك.......لزيزة ...واصل...أمين عبدالله..مرحب بيك وشكرا علي المرور
......................
كلام ملغبتنو ساي:
من أمبارح ما اكلت
العنقريب دا ودو بيغادي
عمن أول....الزراعة ما صحت تب

تفتك : اقول ليك يازول تفتك زي تفت الشيطان مالك .
الدلقان : واتزكر هنا ان استاذ حيدر كان يتميز بالصرامة المفرطة في التدريس وكنا في سنة تالتة متوسط ودخل علينا استاذ حيدر وقد كان يجلس بابكر حدباي والطيب علي الامين جنب بعض في الفصل وبدا في طرح الاسئلة وكان يتناول الواحد قبل ان يتم وقوفة بكف جامد يطرشك حتي انتهاء الحصص فعندما وصل الي هذا الثنائي قال لهم قوموا ها الدلاقين ديل وتناولهم واحدا تلوا الاخر .
مجلخ : اقول ليك عندو جلاخ بكسر الجيم .
سندة : اقول ليك الناخد لي سندة .
جقمة : اقول ليك الناخد لي جقمة موية
سمبلة : اقول ليك شلت الحاجة دي منو سمبلة ساكت
شراشيف : اقوليك شراشيفي دي الايام دي حارقاني
همبريب .
جعل : بضم الجيم اقول ليك اديني جعل كبير
كرضمة : اقول ليك شوف الضربة مكرضمة كيف .
والباقي لعبدو ما اكون حدر لي .

التشبيه والنبذ ...بالرغم من تعاليمنا الإسلامية التي تمنعنا منو ولكنه جزء لا يتجزأ من كلامنا الساكت
والكتير من النبذ ..مافيهو حاجة..لأن النية صافية والقصد منو لا يتعدي التوبيخ أو المكاواة
................
إضربك الضريبي اللنشف رقيقك
تلاتينك....زاتو
تلد في راحة ايدك
الحمة الللمسوها بالعود
القصر اللخليك تتناطا للفنجان
القصر اللخلي طاقتك تجر بالواطة
الطول طول نخلة والعقل عقل سخلة
شفقة الكلبة الجابت جناها اعمي
العمي اللي لايسك
..................................
هذه الألفاظ بالرغم من قساوتها ولكنها متداولة بصورة طبيعية جدا
واتمني أن لا يكون "سغيل" علي بعض الناس

دا ما كلام ساكت...دا راندوق....يا محمد...

بقت : اقول ليك اللمبة بقت . وقدت : اقول ليك النار مووقدة . كتاحة : اقول ليك جاتنا كتاحة . كلفح : اقو ليك مالك ماشي مكلف كدة . شعفوفة : اقول ليك جاتنا شعفوفة . جهرني : اقول ليك الشمس جهرتني . خموم : اقول ليك ها الخموم دا . هس : اقول ليك اسكت هس . ورتاب : اقول ليك خم الورتاب دا . دفيس : اقول ليك دا دفيس ساكت . صاقطة : اقول ليك الموية صاقطة . عشراقة : اقول ليك جاتني عشراقة .

القمرة خنقت
.........................

كلام خارم بارم.....
ما تكلكل الشافع....وهو بشرب يقوم يشرق ليك
ياخ الزول دا قلت ليك ما ناقش التكتح
مش وجا راجع صادي برا فايده
..........................
كلمات لم أسمعها إلا في ذمن الإنقاذ
الدهمسة والدغمسة....وإنداح

كلام خارم بارم.....
ما تكلكل الشافع....وهو بشرب يقوم يشرق ليك
ياخ الزول دا قلت ليك ما ناقش التكتح
مش وجا راجع صادي برا فايده
..........................
كلمات لم أسمعها إلا في ذمن الإنقاذ
الدهمسة والدغمسة....وإنداح

"جيب ليك أربعة طرقات كسرة
جيب تلاته بصلات بنبون
مع بنضورتين وتقطعن ضغار
معلقة دكوة
كان في بصل مكادة ...اهرسو كويس
أكشح ليك حبة ملح وشطة
رش حبة موية
لخبتن كلهم كويس
وأعجنن بطرف اللصابع
نقط ليك حبة زيت.........واكل براك"
...........
وصف كسرة بي موية لزول واحد

زوغة للتصحيح:
بصل بنبون ولا بمبون ........حاجة قريبة من كدا

عارفك يا الصادق كان بحت بتجيب لينا.........هتش كتير
الككو دي إلا تدخلا لينا في جملة مفيدة....وما ظنيتك قاصد ..الككو ...القرد
...........

ههههههههههاي والله قصة

اليومين ديل قايمة علي فليتة في ضهري
ومعاها أم التيمات ...المعني رقبتي معسمة..."with the sky"
اها ... هسه كان هناك... إكلمو أم تيمان بالليل عشان ما تنزل الصباح من العنقريب
تقوم الدغش...تمش ليها وتنبطح في الواطة..تقوم أم التيمان تخت كراعا في رقبتك
.........
ما تسألوني عن النتيجة.....لانو ما بتزكر...بالرغم إنني عملتها اكتر من مرة

الحمدلله إنفكيت من الفليتة
........................

[quote=عبده مصطفي إبراهيم;15247]
-الشكية لي الله جارتك دي لسه ما مرقت عليك
--قالت بتجي ... تجيها الطاوية حبالا

تتخيل ألاصعب منو:
تجيك الطاوية حبالا ولا أم كلعلع.؟؟؟؟؟ (نرجو ايجاد قاموس للاثنين)