|
فضفض باغنية كاملة ...او مقطع ....من اجمل ما سمعت او دندنت به
فضفض باغنية كاملة ...او مقطع ....من اجمل ما سمعت او دندنت به
ياحبيبي أنحنا إتلاقينا مره في خيالي وفي شعوري ألف مره ألف مره عاش سلامك والليالي تقول كلامك والبعاد يشعل غرامك وبالمحبة عيوني ساهره عايز أشوفك تاني مره ألف مره |
"In New York, Concrete jungle where dreams are made of, There’s nothing you can’t do, Now you’re in New York, these streets will make you feel brand new, the lights will inspire you, lets here it for New York, New York, New York" عشة مفاتيح هوا ها ما تصدقو.......دي وهمه ساي الجالوص عاطف خيرى مصطفي سيد أحمد...... ********* معتوقة ومعتقة ومنعتقة نوافير إنتشاء وحشمة وحَـمار العين .. تضحك كلما وقعت مصيبة تمشى على العجين وتلخبطو وترطن إذا جاها الحنين ************ يا بت بيوت الهجعة كيف ؟ غبار شوارعك ماشى وين زقاق يفتش فى زقاق كتمة وضلمة وإنعتاق أنا فيك لامونى المساجين سكاتك منازل حلال الحرام سكاتك على حين أهش الحمام سكاتك عليك لما تصحى المسام سكاتك عليهم سكوت و السلام *************** صوتك وكت قطع البحر قبال مراكب العمدة ضهر النيل عرق .. والشمس فوق حبل الغيوم شرت جلاليب النعاس ناشف غرب مبلول شرق والمطرة زى شفع العيد تدخل غرف كل البيوت حكمة الجوع الشرح للأرضة كيف تقرأ المرق قبال يقع فوقـك سقف إتنحنح الجالوص أمرق على مهلك .. مروق الحنة من ضفر العروس واصعد على مهلك .. صعود البذرة والروح والشموس ********** مبنية مدن الخوف من طينة آخر الليل وانا فى سقالة الشوق قدح البصيرة تقيل فاتح زريبة الجوف تمرق تخش الخيل على كيفة كيف معلوف ضهر المظنة يشيل وانا ظنى ظنيـتـو .. فى النيل غريق فى النيل و الليل ولافى بالو ليل ساكت يغنوا على القمر واجعنى فى البحر السكات سكتنى فى الوجع البحر يا بت صباح الطير وين البلد ركت ؟ ما عاد هواك يفتح فى الكتمة شباك النزيف وين تكيتك فى الغيمة شطيف النجوم ريف الجسد صدرك سبلوقة اللبن الحريف داسينى فيكى نضر والأنبياء فاتوا والأنبياء بين بين قاعدين فى ضل النار داسينى فيك نضر فى غفلة جو الكفار وطارت حمامة الغار لاقونى ناشف ومر ما ذنب جلد الطار لو غنو بيهو شتر ما تخافى الله معاك وكل الملائكة سمر كلام متعب......بالحيل..... |
بنحب من بلدنا..
كلمات الشاعر الراحل/ أبو آمنة حامد الحان/ محمد وردي.. بنحب من بلدنا ما برا البلد سودانية تهوى عاشق ود بلد بعيون المفاتن شي ما ليهو حد.. التوب المهبهب فوق أم الضفاير والخد المعطر زي أحلى الأزاهر والخطوة الأنيقة ترنيمة مشاعر أنا بي كلو عمري بمشيلا وبسافر مين في الدنيا دية أجمل من بناتنا الليهن قلوبنا والفيهن صفاتنا الكامنات في روحنا والعايشات في زاتنا.. في حلفا البداية أحلامي وهنايا أنا عايش لحبي المخضر برايا النافرة الأليفة بجروحي وهنايا أنا لي في كريمة شايقية بشلوخا نعتز بصفاتا ما نجهل تاريخا ماها المابية ريدتي ومو ياها المسيخة.. في شندي العظيمة تلقى بنات جعل وحدات في المتمة زي لون العسل النايرات خدودن زي فجرا أطل في سنكات بنعشق بت سمرة وأبية ترتاح في الضريرة خصلاتا الغنية.. عاشت في شعوري أحلى هدندوية الواردات جدودن في الجود والشجاعة البظهر جمالن من زمن الرضاعة سودانية مية المية في زوقا وطباعة يا ناس أرحموني أنا قلبي فرطاعة .. لو تلقطنا اليانعة السمحة ونضيرة تستنى الحليوة في مشية أميرة أجمل حب عندي في قلب الجزيرة لي في الغرب أغيد في دار حمر والبقارة نحميها بسيوفنا تفاحنا ونضارة تسكرنا الليالي وتطربنا النقارة لي في جوبا الساحر تسلم لي خدودو يمرح في غاباتو يسرح في ورودو حبي الغالي ليهو ما بعرف حدودو.. |
الاغنية بصوت الفرقة القومية
http://www.youtube.com/watch?v=N2gPUKyUVnQ |
شكراً ابو عفاف . على الفديو
http://www.sm3na.com/song29237.html |
شوفى الزمن يا يمه
ساقنى بعيد خلاص دردرنى واتغربت واتبهدلت ورينى الخلاص ساقنى القدر منك بعيد لآذايا كأس *** يا يمه يا فيض الحنان الما كمل يا يمه يا بدرى البشع دايماً يهل يا يمه يا نور الصباح وكتين يطل واشرى يا (زينوبه) ولدك فى دروب الشوق كتل محروم من الحب والمحنه وراك همل *** يا يمه يا بحر المودة وكت يفيض يا يمه يا شعلة أمل زادت وميض يا يمه يا عنقود كلام منظوم قريض يا يمه يا نغماً حس بالشوق يرن وافكارى فيهو .. بيرتعن دمعاتى شانو .. بينزلن *** واتذكرك يا يمه فى الدغش النسايمو يهبهبن قايمى الصباح متكفلتى شايلى الحليلى على المراح والساعة ديك يادبو ديكنا بدا الصياح والطير ضغارو يغردن .جبتى اللبن بانشراح *** واتذكرك يا يمه ساعة الهجير صالاكى نار الدواكى عُستيلنا الفطير رشيتى قلتى اكلوهو ...خير واتذكرك يا يمه يا بسمة الطفل الغرير وكت الخلوق ترقد تنوم واسهر براى أرعى النجوم والشوق يرف جنحيهو بى فوق لى ..يحوم ,اهتف باسمك فى الخيال طيفك كمان بي فوقى جال واتمنى لو لحظات يدوم لكنى فجأة القاهوو.. زال *** واتذكرك يا يمه ساعة الناس يجونا من البلد ناعم ترابا على جسيماتن رقد ريحة التمر فوق الهدوم لون الخدار خانس لّبد والشوق أولرو بيشتعل كان ظنى فيهو يكون خمد *** واتذكرك يا يمه والناس قالو قايمين البلد رصو الهديمات ..عدلوا ركبوا اللوارى .. وقبلوا خلونى وحدى بلا أنيس كيف انفرادى ..اتحملوا شالوا السلام من عندى ليك وان شاء الله عندك يوصلوا *** يا يمه ساعة يوصلوا ويقولوا ليك ..شفناه فى بلد الامان مبسوط ورايق فى امان أنبسطى يا نبع الحنان وانا حالى يشهدبو الزمان يا يمه رسلى لى عفوك ينجينى من جور الزمان يا يمه رسلى لى عفوك ينجينى من جور الزمان لنا عودة |
بحر المودة
بحر المودة - محمد جبارة
http://www.youtube.com/watch?v=P2R5gQv47fE مقطع من الجالوص http://www.youtube.com/watch?v=EnKUuWPXpuo |
|
حنين
قلبى على الشهيد تحت التراب دافننو وقلبى مع السجين خلف الحديد رامنو وقلبى مع المواطن الحر اذى ملاحقنو ديل سودانا والباقين يمين ما منــــــــو - كل يوم يمر بالمر أشيب فى همومو الليل اتلت سهران اعد فى نجومو شاعرك يا وطن فى الغربة حرقان يومو متين يروق ويضوق القدلة فى خرطومو - يمكن مافى غير الرجعة فى صندوق ويمكن يقولو لا من وين يعرفو الذوق مهما كان نفوسنا عزيزه أنفنا فوق وآخرتها مافى غير الذكرى للمخلوق - يا طير ان مشيت سلم على حبانى جيب خبر الوطن يمكن قليبو طرانى جيب نسام زلالو ال منو مره روانى جيب لمحات جمالو الاصلى مو برانى - عرج على جبال كررى وتوخى يمينك وفى اطراف مقابر البكرى احنى جبينك حلق فوق معالم البقعة متع عينك وسلم لى على الدايما بسأل وينك - أدخل ليهو بالباب الصغير دامع وفى حوش التراب اسجد تحية جامع سلم فى خشوع قول ليهو جيتك راجع اقلع بين ايديهو ال فى ضلوعك ساجع - مجكن فى الوطا تحكيلو محنى الراس ما شغلتنى عنك تب بلاد الناس وما شافتنى من غيرك مغانى وكاس ولا وسوس بقلبى الهامى بيك وسواس |
نحنا في الايام بقينا قصة ما بتعرف نهاية ابتدت ريدة ومحبة واصبحت في ذاته غاية كنت تمنحني السعادة ولي تتفجر عطايــــا ولما اغرق في دموعي تبكي من قلبك معايا |
عيونك ذي سحابة صيف تجافي بلاد وتسقي بلاد وذي فرحا ً بيشيل مني الشقا ويزداد وذي كلمات بتتأوه تتوه لمن يجي المعياد وذي عيدا ً غشاني وفات وعاد وعم البلد أعياد وذي رفح البعيد العاد وذي وطنا ً وكت أشتاقلو برحل ليهو من غير زاد بدون عينيك بصبح زولا ً بدون ذكرى وبدون ميلاد التحية للعملاق الهرم الاستاذ محمد وردي |
كل طائر مرتحل
عبر البحر قاصد الأهل حملتو أشواقي الدفيقة ليك ياحبيبي للوطن لي ترابه .. لي شطآنه للدار الوريقة |
ليه بنهرب من مصيرنا ونقضى ايامنا فى عذاب ليه تقول لى انتهينا ونحن فى عز الشباب |
نحن فى الأيام بقينا قصة ما بتعرف نهاية ابتدت ريده ومحبه واصبحت فى ذاتها غاية كنت تمنحنى السعادة ولى تتفجر عطايا ولما أغرق فى دموعى تبكى من قلبك معايا |
كنا فى ماضينا قوة قوة تتحدى الصعاب
نقطع الليل المخيم ونمشى فى القفر اليباب كنا للناس رمز طيبة وكنا عنوان للشباب وهسى تائهين لينا مدة نجرى من خلف السراب |
تأنى ما تقول إنتهينا تنهى جيل ينظر الينا بانى أماله وطموحه ومعتمد أبداً علينا نحن قلب الدنيا ديه ونحن عز الدنيا بينا تانى ما تقول إنتهينا نحن يا دوب إبتدينا |
القصيدة الحماسية متين يا علي تكبر وتشيل حملي
فرتيكة ام لبوس لويعت الفرسان
الليل باقي ليل عنزة وقرونا سنان كوراك ضرب مرقن جراقدن دال بهدالت النـــــصارى الكلهم بولاد كرار على كبر علـــــــــــيهم زاد سيفك في غضاريف الرجال صياد متين يا علي تكــــبر تشيل حـــــملي إياك على الخلاك أبـــــوي دخـــــري للجار والعشير الكان أبوك بـــــيدي للغني والفقير الكان أبـــــوك حامي اتسولب من العلج الــحرير واكسي لا تعاين الوجوه ضــربك دشر سوى سيفك في غضاريف الرجـال اروي جابولنا الكرامة وصبـــــــــحنا فرحانين ضربوا ام جنقرون جوني العيال مارقين بسأل عن على الفــــارس البقود تسعين هو اللتر العلى ضــهرو الخبوب والطين مابياكل الضعيف ما بســــلوب المسكين إلا سيمت الأســـــــــــــــــــد البقط اللين فرتيكت ام لبوس لويعة الفرسان الليل ما بليل عنزة وقرونا سنان |
انا والاشواق فى بعدك بقينا اكتر من قرايب
ما بنغيب عن بعض ابدا زى اعز اتنين حبايب كنت فاكر الشوق يغيب لحظة واحدة عن فؤادى مع الزمن يتلاشى وجدى قلبى يسلاك فى بعادى وشوقى قال لى مستحيل مرة يتحقق مرادى ولازمنى ذى خلى الوفى واصبح حبيب الما بعادى اى لحظة بعيدة عنك ضايعة من ايام زمانى وكل يوم كلن لى فى قربك اتمنى لو احياه تانى وروحى لو غنيتا ليك ما تصور ما اعانى وحبى ابلغ من غناى وحبى اسمى من المعانى كم رسالة يا حبيبى بسطرا اشكى بالبعد يا ناسينى واحلا كلمة منى ليك بضمنا باقة من شوقى وحنيني بين حروفا اشوف خيالك وانت تتبسم لعينى وقبل ما اختم كلامى بتمنى لو ردك يجينى أخي معاوية لك التحايا .. أغنية لا تشيخ أبداً.. وشبابها متجدد لصدق الكلمات ونبلها.. الكلمات ترقص وتنثر دموعها شوقاً وحنين في كل منصات البوح .. ولا تشفي الغليل من هذا التناجي الجميل الذي تفرغه عليك من عهد السحر والجمال .. وأظنها حسب تقديري أجمل ما قيل وتغني به في الفن السوداني .. وأجمل رسالة شوق تكتبها لحبيبتك .. وأنت مرتاح البال أنك أوصلت ـــ للحبيبة ـــ مدي الشوق لها .. هذه مداخلة أقل من ما تجود به الذاكرة من المتوقع وقانون الحركة النويتنية لا تستوفي شروطه هذا الشح والبخل والضن .. لاننا مترعين بالجمال ومتشبعين بالفأل والسمح .. والأذن تتحرك كلما طرق نغم جميل يعيد للبال زمن رائع من الفن المؤدب الجميل والمؤثر الذي يودع فينا معان حلوة وصادقة .. ليتنا أفردنا أجنحة وطرنا في عوالم الحب والجمال لاننا نحب أن نتفرج علي العشاق وهم ينثرون عشقهم بيننا .. كأخونا معاوية ..شيئ يشبعنا بالفأل والخير .. زيدنا من الروائع أخونا معاوية |
سمحة وسمرية محبوبتي ولفتاتها غزال خدره ومتكية بجرف النيل والناس في بالها ويا خوفها علي عقل وثبات ماها الولهانه فرحي البيه كتمت الخوف قلت ليه النيه متين نتلم والحال بطال قالت لي غنيه وانت معاي مستورة حال بت سودانيه محبوبتي ولفتاتها غزال |
|
يا سلام ياشباب على هذه الكلمات المختاره من الفن الاصيل
القدال نحن اهل الفرحة جينا لا المدامع وقفتنا ولا الحكايات الحزينة لما درب الرايحة جابنا في هذي المدينة يا ولدي الدروب شقاقة بحر التيه ليك درب ولا دربين مساك الدروب ضهاب ليك قلب ولا بالين سواي القلوب كضاب ليك ضهر ولا سرجين ركاب السروج وقاع شق يا ولدي بحر التيه بتدردر وتتودر ولمن يوم على تايتنا ديك ترسى نعزك بالقبيل داخرنو ليك الشوق بحر يا ولدي بحر تية قتليك العليك ادرابو لا تنغش ولا ترضابو لا تنغش في الزمن الذميم والكي يسوقو خلاف عشان الني عليك الدور وتصريف الليالي بدور تشيل ما شلنا من الهم ولمن دمعة ترمى الدمعة فوق دربك روح يابا وابقى قفاك لاتعاين ولاتعاين على موطاك ولا تندم على خطوا تملى مشيتو لي قدام وابقى العاتي زي سنطتنا زي صبرا نلوك فوق مرو زي الزاد لا شيتا نزل في الجوف ولابرجع ولا بنزاد اركز للبجيبها الريح تقيف انت ويشيلها الريح وابقي العاتي و الدرب الوراك مسدود شيل شيلتك بقيت للنص لا حلما يجيب البر ولا حدوت انبليتا اختا الرملة ما تقع المكان الهش دي الممطورة ما بتبالي من الرش النعمة بتعرف عاطيها و الجمرة بتحرق واطيها بالكيله عاطنا و ما لقينا فوق جمر خطانا و مالقينا في يوم الوعد يا حليوة فيك الدنيا ما كانت شروق إلا الارض متكشفة ومتبلمة مع انو من خير الخريف لافحالها شال و الفرحة خضرة فرحة دوب تتشابي لي عين الشمس و البت حليوة اللابسة بيضا بيضا كذا الحليب و الروح مشتحتفة في البلود الفيها ريحتك للبعود من فزعة الغربة البساسق فوقها مو راجع ولا بلحيل قريب الروح مشحتفة في الحبيب القلب بكر الدنيا ما شافتت جديدو ولا الحزن دقالو باب لو شفت كيف يوم الوعد كيفنو مترامي الغمام و القمري زغرد للبلوم و النسمة هبت مرتين ياحليوة يوم دقيت بارضك فاس خصيب و التانية في يوم الوعد والايد تسالم في الايدين والام تقالد فوق جناها فوق جناها تشمو زين وحليوة صاحية كذا النسيم في يوم الوعد و الدنيا غيم وحليوة جد جد ياولد كل البلد قايل غناوي الحزن ليش شايل مساديرك مجامر دمع ليش ليش يابلد و الناس تريد و الدنيا كل ما النيل تزيد تملا الايدين تفرح تهش تفرح تهش تملا الايدين لو صحيح غنينا بالدمعة الحميمة لو دموع الفرحة ما لاقت غنانا بكرة نرجع تاني للكلمة الرحيمة شان هنانا شان منانا شان عيون اطفالنا ماتضوق الهزيمة |
|
حليوة فى ليلة المولد محمد طه القدال "شليل" بقول غنوات .. بقول غنوات فى البلد البسير جنياتها لقدام .. بقول غنوات .. بقول غنوات وفى البلد البفر ضرعاتو وفى العرضة ويطير فى الدارة صقرية .. بقول غنوات .. بقول غنوات ولو السمحة تلت إيد و مدت جيد و زول شايلاه هاشمية يشيل شبال و ختة ريد .. وفرة عيد .. و غيمة روح .. وظلمة عين وعيدية بقول غنوات .. بقول غنوات وفى الولد البشيل مدقاق و قولة خيرعلى القمرة يقابل الجاية متحزم ويقابل الجاية متلوم كلام فاسك على أرضك يبقى عديلة يا بيضاء ويبقى زفاف وغنت ليه قمرية بقول غنوات .. بقول غنوات و قبال حول تغيم غيمة قبلية ترش الدارة و الحدبة الصعيد الحلة يا مرحب حباب الصفقة فى النسمة الصعيدية يا هجرت نهار الليل بدرية فحيح جنياتنا فى الحدبة الصعيد الحلة يا قمحاتنا هولبلب يا قمراتنا هو لبلب و يا للوز الفتق فى الوادى هو لبلب ويا سمحاتنا يا قمحاتنا هو لبلب .. ويا البحر الطمح مدادى هولبلب ويا حجواتنا يا دعواتنا هو لبلب سألتك بالذى ركز الأرض معبد وسوى الناس عليها مقام سألتك بى حجى الأمات ودعواتنا سألتك بى قميراتن ودمعاتنا شليل وين راح .. يكون ضله الخريف فاتنا وشليل وين فات يكون ضله الخريف فاتنا وزى برق السمات الجاية دغشية وزى زغرودة للبطن الكبارية مدق من شامة القمرة بريتك بوداعة الله ومقدم بالعديل يبراك أبشروا تعالوا ياجنيات شليل ما راح .. شليل مافات شليلي عند المسور حرق بقالو حصاد شليل فوق التقانت قام خضار وبلاد شليل مشوار.. شليل مسدار شليلنا أرضنا يا جنيات شليل ماراح .. شليل ما فات حرازنا شليل .. شليلنا دليب شليلنا دليل على البلدات بعد درب التبلدية شليل ما راح .. شليل ما فات شليل قايم نصاص الليل يتمتم ليلة وردية مزارع بات على عشقين تراب بلدو وسماح فوق بتمزارعية مزارع بات على عشقين تراب بلدو وسماح فوق بتمزارعية |
|
|
|
كلمات اغنيه شايقيه معبـــــــــــــره (طنبور)
امونة بت الشيخ حمد ابوها كان مزواج خلاص ناسب جميع أهل البلد ميلادها كان عرسا كبير هيبة ورقيص ماليها حد يوم السماية اتيتمت وحس القدر في الام نفد جرت السنين واتفاوتت بيناتنا ما ليهن عدد امونة كبرت واستوت فار الصدير شال النهد وبقت أمل كل الشباب وجمالها في بت ما اتوجد في مرة رفا قليبها يوم حبت قريب الشيخ حمد وأظن كمان حباها هو جوه الضلوع للخيط سرد كم من غرام في القلوب ولع لهيبو ما برد خايفين عيون الناس تشوف والخبر يملا البلد والحب هناك عيباً كبير لا بت تبوحبو ولا ولد سنتين تلاتة مضت خلاص والبت حياتها بقت ند برضو الولد زي حالتو ديك وقليبو داك مكتول كمد في يوم ابوها ضحك كتير برم شواربو بلا الاسد ناداها امنة تعالي جاي فوق البرش ربع قعد قالتلو هوى جايك خلاص وقليبها فر وما رقد هابت عيونو قبل يقول شافت وجيهو عليهو جد حاج الخضر عارفاه داك قالتلو أيوه ابو سند جانى الصباح طالب يديك داير نسب شيخ البلد وانا قتلو مرحب بيك تعال يومين تلاتة يكون عقد راجلاً عظيم عنده القروش عنده الحديد راقد لبد كمان كريم واخو رجال ماعونو فد يوم ما برد جرت الدموع من عينا شو وأبت تديه رد وكتين غلب يا ناس خلاص ولع فؤاده جمر وقد فكر سكوت البت رضا جاب زولو لما الناس عقد والمال ده خمخم والحرير تحت الرجول مدوه مد دق الدليب صحا العيون ما خلا فد مخلوق غمد يوم الصفاح والناس تجوط بالفرحة مقلوبة البلد أمونة تبكي بكي السواد بدل الفرح جاها النكد وبشيشها قامت للمروق في الزفه ما حسابها حد كان الحبيب راقد هناك والصدمة قاده قليبو قد حاضن ربايتو وحيد ينوح كم جرا للمسدار جبد وقفت قصاده بكت كتير لامن دميع العين جمد قالتلو ما بيدى شىء ديل ناس ابوى وأبو سند أتلمو سوهو الكلام وانا لا رضيت لا جبت رد قال عنده مالاً مو قليل وأبوى شاف المال سجد وأداني للراجل العجوز المن عروقو الدم شرد قايلنى بسعد بالقروش والله المراح الفات ورد لاكن محال اسعد بلاك كان السماء ينهد هد بديك قلبي وروحي ليك وبعيش هناك صورة وجسد اتراجعت دارت تعود لكن قليبها رجع رفض مسكت دريباً مو غريب كم بيه صف بنوت ورد قاصدة البحر داير تموت لا عيشه لا هم لا نكد شافت مسار النيل حزين حتى النخيل حزنان خمد وبشيشها فككت الحرير لا زينة لا ربيط عقد ما دام حياتها بقت دموع وقليبها من زولا انفرد قالت اخير ارتاح خلاص أرسى وشقاي القالو حد وفي لحظة موج النيل علا وفي جوفو غابت للأبد |
مسامحك يا حبيبي مهما قسيت علية
قلبك عارفو أبيض وكلك حسن نية ما خطرت لقلبي سلوى تحيدو عنك وماممكن أعاتبك وآخد خاطرى منك أنا عارف خصامك وغضبك في كلامك مامن جوه قلبك كلو على لسانك ظلموني القالو عني غيرني البعاد وحيات نور جمالك ذاد البى ذاد أصبح شوقى أكثر وحبك عندي أكبر وأملي في هواك نامي ولسع أخضر أسأل عني طيفك زكراكم شهود وياما أشتقت ليك ورجيتك لو تعود وحشتني الإبتسامه عيونك بكلامه تداري في إشتياقه وتصبح لي غرامه نسيان عندي أغلاك او جورك علية تكابرأو تداري حبك باقي لية بترجع لي تاني وتسأل عن مكاني تجدني زي ما كنت وزايد في حناني |
وجايى تفتش الماضى ؟
خلاص الماضى ولىَّ زمان ، وجفت مقلتى الباكية .. ونامت من سنين أحزان ، وجاى تفتش الماضى ؟ ** أرجع بالزمن مرة وأتذكر حكايتى معاك .. تلاقى القصة – جد – مره هل راعيت شعور مضناك؟! كلما تزيدنى فى هجرك أقول ليك زيدنى ما أحلاك لا شفع التوسل فيك .. ولا حرمانى يوم هماك وجاى تفتش الماضى ؟ وجيت تترجى بالدمعات... أسامحك أنسى أغفر ليك ؟ جفف دمعك الغالى .. مسامحك وما عشان عينيك.. عشان تتعلم الغفران.. وتصفح لو زمن جار بيك وحاول لو قدرت كمان تقدر رقة الحابيك وجاى تفتش الماضى ؟ وعزة نفسى مابيه على أسلم قلبى ليك تانى.. سنين الهجر بيناتنا وحاجات تانية حاميانى ولو رجع الحنين وعاود وليك من تانى ودانى ولو مكتوب ليَّا تانى أحب بحب إنسان يكون تانى |
من قمت من بيتنا ومشيت بطاقتي صورة مصغرة شايل معاي شنطه صفيح حزمه هموم ولدا متين بقي للسفر والإغتراب والدردرة |
شذى زهر ولا زهر فأين الظل والنهر ربيع رياضنا ولى فمن أعطافك النشر وهذا النور يبسم لي عن الدنيا ويفتر وأنظر لا أرى بدراً أأنت الليلة البدر وبي سكر تملكني وأعجب كيف بي سكر رددت الخمر عن شفتي لعل جمالك الخمر نعم أنت الرحيق لنا وأنت النور والعطر وأنت السحر مقتدراً وهل غير الهوى سحر خذي الدنيا بأجمعها حبيب واحد ذخر غذا أضاءت مطالعه فكل سماءنا بدر خذو دنياكم هذه فدنياواتنا كثر [you] |
يا سلام عليك يارائع , ودوماً تتحفنا بالجميل وتثير الأشجان وترجع لينا أيام [RAMS]http://www.ghaaly.com/up/getlink.php?id=12039[/RAMS]
|
يا سلام عليك يا معاويه على الكلمات الجميله
هاك دى انت مافي ...... اي حاجة بتبقى مافي الشمس تلقاها مافي والبحر من غير مرافي والمدن بتكون منافي والحبيب يبقى جافي العسل ما ببقى صافي وانت مافي انت مافي الروح تفارق ويبقى موج النيل مفارق الشروق ينسى المشارق والنسيم لي الروض يشاهق والصباح ما ببقى شارق وانت مافي انت مافي منو البسالم ويبقى من الامو سالم الزمن يصبح مظالم والحنين يبقى ظالم وتمسح الأحزان عوالم تفتح الاحزان عوالم وانت مافي انت مافي الناس تغيب والحبيب ينسى الحبيب الدمع يصبح قريب والطبيب ما ببقى طيب كيف يكون في الدنيا طيب وانت مافي |
يــــا غايــــــــب عــــن الــــعـــيــــن ...
أنــــت مــــوجـــــود فــــي عـيـــــنـــي الاتــــنــــــــيـــــن هواك لازال بواليني ... خيالك جوه في عيوني.. لكن انت ناسيني .... وانا الاشواقي ليك زايدين.. يــــا غايــــــــب عــــن الــــعـــيــــن ... أنــــت مــــوجـــــود فــــي عـيـــــنـــي الاتــــنــــــــيـــــن |
قلبي الحابيك ما خان لياليك ما ناسي الماضي ماتقول ناسيك ما بدل حبو ابدا ماتنكر ليك لكن الأشواك والنار حواليك يانور العين يانور العين انت وينك وين في اللون الأسمر ذوبت شبابي وعشقت الجنة وفي الجنة عذابي صابر وبتألم والمر دا شرابي ياحليل الراحو ياحليل احبابي يا نور العين يا نور العين انت وينك وين الشعر الناعم بي عطرو اسرني والوجه الناير بي نورو غمرني عيونو النعسانة برموش تجرحني خلتني متيم وين راحت مني يا نور العين يا نور العين انت وينك وين انا والانغام والعود في ايدي بحكيلو حكايتي ويعيد ترديدي واشكيلو همسة أوهبتو نشيدي ياما الأوتار تفضحني من ريدي يا نور العين يا نور العين انت وينك وين |
|
محمد ود حنينه( سعاد) دقّتْ الدَلّوُكَهْ قُلنا الدنيا ما زالت بخير أهو ناس تعرِّس وتنْبَسِط تكْكَّتَ سروالي الطويل سويتْلُو رقعات فى الوسط فى خشْمِ عضّيت القميص أجرى وازيّد شوق وانُط لا مَن وصلتَ الحفلَهْ زاحمتَ الخلق وركزْتَ شان البِتْ سُعاد أصلى عارف جِنَّها فى زول بيرْكِز وينْسَتِر لكنِّى عارِف إنَّها لو كلو زول فى الحلة بالسُتْرَهْ إنجَلَد يانى الآزاها وجِنَّها برْضِى عارِف أظنَّهَا دِيمهْ فى صَرَّ ة وشيهَا يلفحْنى شوق نافِر لَبَد وركزْتَ للحُرقَهْ المَشَت فوق الضلوع تِحت الجِلد ضمّيت قزازتى مرقتَ عِن طَرَف البلد وسِكرْت جَدْ وأنا جايىّ راجعِ مُنْتَهى لاقتْنى هِى قالت "تعال" كِبْرَتْ كُراعى من الفرح نُص فى الأرِض نُص فى النِّعال اتْلخْبَط الشوق بالزَّعل اتْحَاوروا الخوف والكلام "ه-يْى يا سُعاد على ودْ سكينَهْ وكِلْتِي في خشمو الرماد علي ود سكينَه ومَات أسى وأنا بِت بلاك ملْعُون أبوى لو كنتَ أرْضَى أعرِّسهْا وأنا يا سُعاد وكتين تصُبى سحابَهْ تَنْزِلي زي دُعاش بفْرِش على روحى واجيكْ زولاً هِلِك تعبان وطاش وأنا يا سعاد وكتين أشوفِك ببقى زول فَرَشولوا فَرْش الموت وعاش) قالت سُعاد (بطِّل كلام الجِرْسَهْ انجض يا ولد) مزّقْت روحى نِتَف مرّقْتَ من جيب القميص عرقى وأسق طبّيت قزازتى وصلتَ لى طَرَف البلد وسكْرتَ جَد اذّنت فى الشوك والسَلَم وسرحْتَ بالناس والغَنَم وركعتَ للعرقى البِكِر وقدتَ فى الألم الحِكِر وحلمتَ زى شالنى ومشَى فوف زحمة نْبيْ الله الخِضِر صحَّانى صوت العُمدهْ قال (مسئول كبير زاير البلد) قال لينا (وكَتْ الزول يجِى ، لازِم تقيفوا صفوف صفوف وتهيّجُوا الخَلا بالكفوف وتقولوا عاش.. يحيا البطل) صلّحْتَ طاقيتي الحرير واتنَحْنَح الحشا بالكلام ورميتُو من حلقى الوصَل قُتْ ليهو يا عُمدهْ اختشى مسئول كبير في الدنيا غير الله اِنْعَدَم ما شُفْنا زول رضّع صغار ما شفنا زول نجّح بَهَم ما شفنا زول لمْلَم رِمَم لا صِحِينَا عاجِبنا الصباح لا نُمْنَا غطّانا العَشَم والحِلَهْ من كلَّ الجِهات محروسَهْ بالخوف والوهم وماضينا من زمناً قديم-يا عُمدهْ-مرْسوم انتحار الموت مُباح والحب نِطاح والصِدقِ من جِنس الزِّنا العافية مولودَة سِفاح والرغبة مكسورةَ جناح الحلم والوعد النبيل الطفلة والأم ، النخيل الرنه في الوتر الأصيل تلقاهَا في قاموس نكاح يا يُمَّه واح..يا حِلَّهْ واح *** يا سعاد تعالى ولمي من كل البيوت عِدَّة السَفَر الطويل زخرفي الفجر النهار شخْبِطي الضُحى والليل المَغْرِب .. الفجر.. النجوم. في صُرَّهْ وارمِيها البحر خلِّينَا فوق الشك نَعُوم والعُمدَهْ فاض العُمدَهْ صار مليون عُمَد العُمده فيل جبلاً تقيل لبْوَهْ وأسد حَسَنَهْ وغَصِب جُمْعَهْ وأحَد بقّيتْ قزازتى مرقْتَ عِن طرف البلد وسكْرتَ جَد وأنا جايي راجِع أجهجهو لاقاني هو سايق العساكر والكلاب رامى بين عيني وعينو كلب وتَكْشيرهْ وحُراب ضاقت نِعالى من الزّعل من تحتهَا اتْمَلمل تُراب الغيم سكب ضُلو ومشَى والدنيا غيما سراب سراب والحِلهْ زى بلداً بعيد زوَّد بُعاد وقُرُب سُعاد اتجمَعَت كلَّ البيوت فى راحتَا زى بِت لِعاب مجنونَهْ تصرخ فى الزوال ممزوجَهْ فى الدم واللُعاب عينيَّ ضاقت نظْرَتهْا والجوف يطقْطِق بالكلام قُبَّال يقولوا لي سلام اتلمُوا حولى بلا نِظام شال وعِمَّهْ توب وغُمَّهْ فاس وطوريَّه وحزام شالونى بى كُل إحترام ورمونى فى قَعَر السجن حصلّنى قبل اليوم يِتم جارنا المدرِّس ودْ خدوم قال ليَّ لا زول قام هتَف لا كف مشَت بتلاقِى كَف والعُمدَهْ زى هَمْبول وقف يا صمت أُف يا دنيا تُف وأنا يا سُعاد للشوق نغَم للهَم عَلَف عمر الطيب الدوش |
http://www.youtube.com/watch?v=xESNm...eature=related الحزن القديم ـــــــــ الدوش ***************** ولا الحزن القديم إنتِ ولا لون الفرح إنتِ ولا الشوق المشيتْ بيهو وغلبْنى أقيف وما بِنْتِ ولا التذكار ولا كُنْتِ بتطْلَعِى إنتِ من غابات ومن وديان... ومنى أنا.. ومِن صحْيَة جروف النيل مع الموجَهْ الصباحيَّه ومن شهقَة زهور عطشانَهْ فوق أحزانهْا متْكَّيهْ بتَطْلَعى إنتِ من صوت طِفلَهْ وسط اللمَّهْ منْسيَّهْ تَجينى معاكْ يجينى زمن أمتِّع نفسى بالدهشَهْ طبول بتْدُق وساحات لى فرح نَوّر وجمّل للحُزن..ممْشى وتمشي معاي خُطانا الإلفَهْ والوحشَهْ وتمشى معاي... وتْرُوحى وتمشى معاي وسط روحى ولا البلْقاهو بِعْرِفنى ولا بعرِف معاكْ ..روحى |
الود
أعيشهْا معاكَ لو تعْرف دموع البهجَهْ والأفراح أعيشهْا معاكَ واتأسّف على الماضى اللّى ولَّىَ وراح على الفُرْقَهْ الزمان طويل على الصبر الّى عِشْنَاهو مع طُول الألم والليل زمان كُنّا بنَشيل الوُّد ونَدِّى الوُّد وفى عينينا كان يكْبَر حناناً زاد وفات الحدَ زمان ما عِشْنَا فى غُرْبَهْ ولا قاسينا نِتْوحّد وهسَّع رُحْنا نتْوجّع نعيش بالحسرَهْ نتأسّف على الماضى اللِّي ما بِرْجَع أحبَّك لا الزمن حوّلْنى عن حُبّك ولا الحسرَهْ وخوفى عليكَ يمْنَعْنى وطول الإلفَهْ والعُشْرَهْ وشوقى الليك من طوَّل لسّه معاي ولى بُكْرَهْ |
|
| All times are GMT. The time now is 03:59 AM. |
Copyright ©2000 - 2024, Futeis.com