|
شكرا ابو عبد الرحمن علي الانتقاء الجميل
بس الزول دة بالغ في حاجتين كان اللوحة تكون مكتملة 100%: اولا : السقف بتاع البير دة بيكون عادة باعواد الدوم وليس هذا المخروط. تانيا : الحمار دة بصحة جيدة وشعرو مقصوص ومرتب ( هو الادروبات نفسهم ما بيحلقوا يقوموا يحلقوا للحمير؟؟؟) غير انو المساسقة والسخانة مفروض يكون هلكان شوية الحمار بتاعم دة... الابداع في الصورة برضو اشارة اللوحة للكسل والاسترخاء الشرقي مجسدا في الزول الاول الواقف ومتكل علي الحمار... والتاني قاعد ومتكل علي "السفروق" ( في يمين اللوحة ما ظاهركامل) |
|
http://vb.futeis.com/uploaded/42_01310842497.jpg
ود الخليل ما أفتقدت الصواني دي .. ورمضان علي الأبواب .. قاعد تشيل صينتك وتقعد في الشارع ؟؟؟ |
ابو عبد الرحمن تحياتي:
و شكرا علي الصينية التي تنتظر الاذان... اوريك لوحة تانية هنا : السودانيين -الاسر- هنا مؤجرين بيت ومجهزينو لافطار رمضان؟؟؟(طبعا الشارع ماممكن لظروف الامطار احيانا كثيرة)...الافطار السوداني بتجي فيه كل الجنسيات من يمنيين وسعوديين وتشاديين حتي الماليزييناللي جايين من ولاية تانية بيجوا افطار السودانيين...وهي الجالية الوحيدة اللي بتعمل الكلام؟؟ تخيل عدد المفطرين بيفوت ال150 من مختلف الجنسيات, منظر حقيقي معبر عن ايمانيات السودانيين وتعظيمهم لهذا الشهر الكريم....حقيقة السودانيين شعب متفرد!!!!!! اللهم بلغنا رمضان |
الحمد لله الذي جعلنا من هذا الشعب الكريم والمفخرة .. والخير فينا أبدأً مهما كانت الظروف والمسافات والأماكن .. دا الشعب السوداني الأصيل .. الحمد لله ودا ما غريب علينا .. كلامك يا ود الخليل أجمل اللوحات واروعها لا تقدر بثمن
|
|
اسخليوس يارائع
الرضا يبدو في كل شئ الابتسامه التي بالكاد يمكن رؤيتها سباتات السعف اوبروش السعف الملفوفه بعنايه الوسط الذي يعج بالسعف القفه المعلقه والهباب الانيق بس هناك سؤال احرقني طالما هي موجوده في منزلها كما يبدو ولايبدو في الافق ظل زائر مفاجئ يتنحنح فيجعلها تسرع الي ثوبها المتكوم الي جانبها استعدادا لهذه اللحظه لماذا الاصرار علي ان تتلفح ثوبها ولا نقول باب غرفة النال هذه مفتوح دوما دون حوش اوقد يكون سور من الاعشاب واطئ لايبعد نظرات المتطفلين |
http://a6.sphotos.ak.fbcdn.net/hphot..._2917852_n.jpg
أها يا ناس رايكم شنو في صورة اليوم.........؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟ |
| All times are GMT. The time now is 10:47 AM. |
Copyright ©2000 - 2024, Futeis.com