Quote:
كلام عقل يا اخوى فتيتو فى الــــدوباى نفـــخر بيو اكيد انا والبيقرا مـــــعاى الحزن آآبفيد خليكا في درب الفرح رساي والتاريخ لى اسمك ياحرشه ما نـــــساى |
Quote:
بتخلي الخلوق ، والناس تفِك مُشهادا أيش فايدة حروفاً ما بتخَرْق العاده نغريك التحية وجَدِع نَضِمنا هواده |
هوي آناس يمين البت دي جد حريفه
وزادت في الرجال فوق القرش تعريفة جودت النضم شغلتها شغلة نضيفة والما بقارعا تغشا وتهردو الزيفة |
يا بت الرجال الشكرة هولك وفالك
تعزلي في النضم هازاهو تب غربالك رصي القول تمام سيهو البريح بالك سقيتينا العسل وتنيتي بي فنجالك |
يا كــــــبد الرمـــاد تتلهبي وتنفطري
مـــن رقة كلامها وانسيابه الفطري سعدا مـن بعد هذا الحديث ما تطري هود يا قليبي ويـــــا دموعي اقطري |
ياك البنميم معروف وقدرك سامي
وياك البنميم بزيد ضليل اخيامي جرحي الكان منوسر وسايل خرير دمامي طاب بطيب كلامك وكساني تب هندامي |
اصعب حاجة فوق الريد تكون متحرِد
وتقلب زير غناك من النويح وتكرِد اكان عصلج حبيبك فوق بعاد متبرِد آ داب ما تعيش طاهم غشيم متشرِد |
اصعب حاجة بعد الشيب هواك يتجدد
و فوق بهم الاباليس السراب يتمدد اكان عصلج صليحك و في هواك اتردد داب سموك بالحظ الكدر و مقدد |
اتلموا تب فوق درب العسل واتعقبو للنضم النجيض تامو ومكمل فرضو آ حريش اخوي زين غناك عرفتو سالين الكريم يحفظ معروف واخيتو |
بي عزم الرجـــــــال عدينـا بالمزيكـــــــا
مهما طال حــــــرف يا غالـي ما بوفيـكا عــــزوكَ الصقـــــــور ختوكَ فوق عاليـكا مبروك يا وطن قـدام تسلـم قدم كاريـكــــا |
All times are GMT. The time now is 01:25 PM. |
Copyright ©2000 - 2024, Futeis.com