كل الاخوة الاعزاء سلام تريان ومليان

احب ان اكد ( حسب ما شايف ومن داخل القرية ) ان ليس هنالك صراع في قرية فطيس بين اي من الاخوة واللجان التي تتكون او طرف او قبيلة او جهة معينة ضد اي جماعة او اي جهة .

تنفيذ الشارع كما اسلفت في مداخلة سابقة في موازنة عام 2013 م وليس في 2012م

نتمني ان تكون موازنة تنمية وليست موازنة حرب

دعواتكم للسودان وللظلط

نحن ديل طيبين خلاص ذي ...ذي شنو ياربي ماعارفه نحن الآن علي أعتاب السنة الجديدة ولسه يانوفمبر ماهليت ولا طليت أها يازلط خبرك شنوو؟

سلام اختي رشا وكيفك

يا اختي بتعرفي حلم الجيعان عيش ديل نحنا ..ههههه

وزمان لما ركبوا عواميد الكهرباء قعدنا نغني الكهرباء جات سنيييييييييين

خلينا نغني الزلط جا الزلط حااا وكان وقعنا ازلطنا ما في مشكلة

بالرغم حالة التفاؤل التي دخلت علي الناس فجأة نهاية شهر أكتوبر
وبالرغم من كل المحاولات لإستنطاق الناس الورا الموضوع دا
ولكن يظل حالنا كما هو.... فقط نغني....معك يا ام محمد الظلط جا
اها سنة 2012 انتهت او باقي ليها 6 يوم ... وندخل في 2013
وقالو الظلط في ميزانية 2013 ... ونتمني ان يكون كذلك
ولكن ميزانية 2013 عبارة عن ارقام .... وهمية لا علاقة لها بواقع خزينة الدولة
إلا الأمل في قروض... صينية قالو داخلة البلد
بس حي يلمو فيها ناس هناي وهناي إمكن تصلنا منها شي وممكن يلزونا لي ميزانية 2014
ودي قرض ربوية ....فيها دمغة علماء السلطان "حلال"
والله أعلم
والله يكضب الشينة

ههههههههههه والله انشرطت بالضحك من تعاليقكم

بس يا اخواني ياداب الميزانية اجازوها ولسع الصرف منها ما بدا

كدي النشوف بعد شهر واحد اواتنين الحاصل شنو مع العلم ان الميزانية قائمة علي الضرائب بنسبة 60% مع عجز يفوق 45%

وميزانية قائمة بالصورة دي هل تكون فيها طريقة للتنمية هذا ما سوف نشاهدة في الشهور القادمة

وترانا منتظرين

كل سنة والجميع بخير
اها سنة 2013 بدأت والظاهر عليها مستعجلة شديد
نسمع حضور عمر البشير لإفتتاح ... جامع في طابت الشيخ عبد المحمود
هل هذه هي الزيارة التي تم ربط ... مشروع زلط فطيس بها..في نهاية العام الماضي
عندما كان متوقع حضوره لإفتتاح عدد من المشاريع..... وتم تأجيلها نسبة للوعكة الصحية
أم انها زيارة خاصة للشيخ وحوارو

فقط مجرد سؤال

حجوة ام ضبييبينة لسه مستمرة ؟ مين قال في ظلط ؟ خلونا في دقداقنا دا .. دي كضبة كبيرة ودرابة قدر الدنيا .. كلنا صدقناها وزدنا من عندنا .. وفي الآخر ما زلنا مصدقين أنو الظلط جاي جاي .. صدقناكم

ههههههههههههههههههههههههه ههههههههههههههههههههههههه هههههههههههههه
ماعــــــــــــــــــــــ ــــــارف اقول شنـــــــــــــــــــــــ ــو

الظلط حا يكون في شهر ابريل بس ده كل الحكاية
شيلو الصبر وما في داعي للتفاؤل اقصد التشاؤم

أبو مجدل ...كذبة أبريل الناس بقولوها أول يوم في أبريل ما من هسه
أعتقد ... الفرصة ضاعت علي ظلط فطيس ... بعد ما زار الرئيس طابت ورجع
لأنو دي الزيارة الناس كانو منتظرنها عندما قالو جاي يفتتح مشاريع في المنطقة
ولكن والله أعلم
يبدو أن ملف الظلط بدأ ينزلق من ميزانية 2013 برضو
عشان كدا .. مافي ليهو خبر تب
والله نتمني أن نتفائل.... وكان في اي حاجة الناس تعملا عشان تتفائل ما كان قصرت منها
لكن معطيات الواقع بتقول غير كدا
ونتمني كلامك إكون صاح
عشان ما يجي محمد عبدالمنعم يضحك لينا صحكتو الطويلة ديك وهو مليان أسي
والله يكضب الشينة