|
الأخ عارف.... ليس هنا...لنقيم هل اخطأ المؤتمر الوطني أم لم يخطي..
ولكن إذا أمنا بأن الإنتخابات ادت الشرعية للمؤتمر الوطن وإذا اخدنا ناس فطيس نموزج كيف تسميها شرعية وممكن إجيك واحد يقنعك "بالدين" إن نقض عهد ذي دا خروج عن الملة وبخليك تقيس علي كدا أخي عبده أنا لم اتطرق لهذه الأشياء ولم يكن قصدي من ذلك ما ذهبت اليه .. فقط كان الرد علي أخونا أبراهيم ـــ ما أظنه الصواب ــ الثبات علي المبادئ بغض النظر عن الجهة التي ينتمي اليها .. أرجو ان تكون فهمت قصدي من ذلك .. وشكراً لأخونا أبراهيم الذي رمي حجراً ليحرك هذا الجمود والصمت القاتل الذي أعتري جنبات المنتدي حتي يكاد العنكبوت أن ينسج فيه .. ملحوظة صغيرونة لأخي عبده : هذا التلاعب والركوب علي ظهور الناس للوصول لكرسي النواب لم تكن الأولي ولن تكون الأخيرة طالما كان هناك أنتهازيين ووصولين .. وطالما أسلمنا رقابنا للجاهلين لكي يمثلونا في البرلمان .. ومن الممكن أن تتابع مسيرة هذا الأمر لتجد كم من وعد وصار عدواً وكل من يمت للبد بصلة والشواهد كثيرة من زمن لن نشاور غير شاور وبدوي فازا ورمزو قزازا حتي عهدنا الراهن وآخرهم المدعو رجب الكفيف الذي يرانا بعيون بعضنا لأستغلالنا .. ومازلت المؤامرات تتري وتنسج حتي كتابة هذه الكلمات .. وصلت الرسالة وقصدي من ذلك ؟ |
Quote:
عندما ذكرت غياب موسسات المجتمع المدني "عن قصد" كنت عايز أنبه إن ساسة هذا العهد قفلو كل الطرق الممكن تفيد المنطقة وفتحو طريق يجب أن يمر ..."بي عندهم" هناك خياران...يا معانا...ونديك ادوية تعالج بيها اهلك يا ضدنا ...وتموت انت ويموتو اهلك أحدهم قد يختار الثبات علي المبدأ ورفض أي شيئ واخر يختار أن يضع سلاحه جانبا الي حين والقبول وهنا يصعب الحكم ايهما ....صاح لأن الغلط ليس في الموقف الذي اتخذه كلاهما الغلط في الذي أجبرهم علي الخيارين ............................. Quote:
هناك خلل في ممارسة العملية السياسية في المنطقة والمتضرر إنسان فطيس الذي يعي تماما ... كل ما يحدث رسالة الإنقاذ أو فالنقل رسالة المؤتمر...أتت إلينا مغلفة بالدين وعليه كنا نتوقع ..أن لا نسمع بالتلاعب أو نقض العهود لان هتافاتهم ...تكبير وتهليل...وشعارهم "هي لله لا للدنيا ولا للجاه" فإن كان التعهد بالظلط فقط لكسب الإنتخابات...فقد كسب المرشح الرهان بس نقول للناس "العليها الرك"....نرجو أن تكونو وعيتو الدرس "والمؤمن لا يلدغ من جحر مرتين" والله يكضب الشينة |
نتابع بشغف
لي قدام |
Quote:
|
هههههههه ساعين لكم فيهو بس هسع الزمن ما اسعفني
|
سلام عليكم ورحمة الله تعالي وبركاته:
ظاهرة صحية وصحية جداً ما تم طرحة........... والردود والمداخلات ......... وبوست رائع جداً وفعلاً حرك ركوداً ملحوظاً في المنتدي....... العمل العام............ في الفترة الحاليه وفي زمن المؤتمر الوطني....... وحتي قبل المؤتمر الوطني إرتبط بالحصول علي صوت المواطن في الإنتخابات عبر وعود المواطن يعلم علم اليقين انه لا يمكن حصولها بالكامل .... فالكل كان يعلم ويعمل بالمثل ( المال تلتو)...... يعني كنا واثقين انو النظام ده والمرشح ده ما بجيب لينا الظلط مثلاً .... لكن بنديهو صوتنا عشان علي الأقل يعمل لينا ردميه تساعد في حل معضلة المواصلات في فطيس .... ومعروف بعد الحصول علي الأصوات بتتبلع الوعود......... وفي العهد هذا بالضبط عهد الإنقاذ التي لم (وليس) ولن تلتزم بالوعد مطلقاً لا في الشعارات المرفوعة ...... ولا في الدين ..... الذي تم بإسمه فصل الجنوب بحجة تطبيق الشريعة....... بالله أين هي الشريعة من الواقع؟؟؟؟؟؟ وأين هي مما يحدث من إنهيار للقيم ...... وبيع للذمم... ومجهولية مستقبل بلد اسمه السودان............ فإذا كانت الحكومة لم تطبق وحتي اللحظة الشريعة التي قامت من اجلها.... ولم تحقق شعاراتها وأقلها نأكل مما نزرع ونلبس مما نصنع..... ولم تصلح الحال مع الله سبحانه وتعالي........ هل نتوقع نحن وبمنتهي السزاجة انها سوف تفي بوعودها وتمنحنا ظلطاً يسر الناظرين...........أصحو يا عالم ليس هنالك مصلحة لاي احد في ظل النظام الحالي ..... ولا تتوقعوا اي خدمات...... بل والخدمات التي يسعي المواطن لإيجاد مصادر دخل خارجي لها.... لابد من وضع إعتبار لتخصيص بعض المبالغ للعناصر المتنفذة للسماح لك من الإستفادة من مصادرك ( الجبتها بي إيديك وشديدك) يعني حتي ولو جبت دعم او مشروع خارجي طلع حق الجماعة حتي يتم مشروعك...... يعني ما بدوك شئ والبتجيبا من برة عندهم فيها نصيب..... |
تحسبا ما بتغتي معاك
تراجعا .. مافي زول برجاك تكورك يقولوا زول كوراك تدقها هد تجيك بي وراك تحصلا.. يلحقك سيردباك تطنطن .. ديل بلفو معاك أها وين عاد؟ تفلس .. يقولوا صرفو غلط تعاين تلقي سوو ظلط تنقرط يقول داك نقرط تعوعي يقولو ضكر البط تسكسك .. يقولو واقف لط أها وين عاد؟ تقحقح يقولوا بتمارض تعارض يقولوا داك عارض تأيّد يقولوا عندو غرض تنطط .. يحيروك بالنط تهوهو .. يقطعوك بالعض آها وين عاد؟ تدستر يقولوا دا الدستور تكسر يلحقوك الخور تكشر يقولوا عندو كجور تصنفر .. يعلقوك صنفور تصرصر يقولوا من دارفور آها وين عاد؟ تشمشر يقولوا جنو شمار تدنقر تبقي زول دنقار تهزر .. ما بعرفوا هزار تفرفر ... يدوك سم الفار تصنقع يقشطك دفار آها وين عاد؟ تطنش يقولوا اصلو غبي تندد يقولوا داك شعبي تغبش يقولوا متخبي تمسح يطلعوك حلبي آها وين عاد؟ توصل يقولوا زول وصال تفصل يقولوا دا الفصال تحصل يقولوا ما حصال تخرم يقطعوك ايصال آها وين عاد؟ ترخص يقولوا ما أمنَّ تأمن يقولوا زول في الأمن توضح يقولوا مافي زمن تحمرَّ يقولوا مجلس أمن آها وين عاد؟ تغني يقولوا غناهو كعب تلعب يكرهوك تلعب تنبذ يحاكموك بالسب تهادن يقولوا ود الكب آها وين عاد؟ تبادر يقولوا داك بادار في ثانية يودروكا ودار توحوح يقولوا استدرار تجلبع .. ياكلوك صرصار تنتحر .. يشحنوك للنار آها وين عاد؟ تهاجم .. يقيفوا حائط صد تشوت الكورة ليك ترتد تقابض .. يكسرو ليك اليد تهاود... يقولو حيلهو انهد تهاجر .. بكره يبنو السد آها وين عاد؟ |
اسخليوس ماخليت فرضا ناقص
بس ياخي عندي مأخذ علي موضوع انو انا بنتخب من يقدم وعود يفي بها او يلحسها طبعا السواد الاعظم بصوتوا عشان كده وديل دايما حاسين بالظلم لانو اكيد مافي مرشح حاينفذ كل وعود حملتو الانتخابيه والتي تتم في ظروف غير ظروف العمل الفعلي داخل مؤسسات الدوله التشريعيه طبعا الكلام دا في ظل نظام ديمقراطي معافي لانو الامر مرهون بموافقة الحكومه علي وعودك التي قدمتها الي ناخبيك لذلك مبدئيا حقو الواحد ما يدي صوتو عشان خدمات بس وانما عشان قناعات تامه بانو المرشح دا شخص نزيه وعندو الرغبه والمقدره في التغيير اذا كانت في ظل ظروف معينه والظروف المعينه دي بتعني انو يقدر يدخل وعودو الانتخابيه دي في جدول اعمال حكومتو بالاضافه لي قناعات عامه تربطك بالمرشح يعني انت رشحت فكر او خلينا نقول ميثاق ما اما طريقة الغايه تبرر الوسيله دي ممكن تؤدي الي مشاكل من نوع تاني يعني انت الزول الرشحتو عشان وعدك بالظلط دا ممكن يرتكب كثير من الافعال الاخري التي تعتبرها انت ضاره بمصالحك او مصالح منطقتك واظن هذا مايحدث الان لاظلط والكثير من المضايقات والاجحاف وازداد حصار المنطقه الا من بعض الشوارد باختصار خلونا نتفق علي مبدأ سليم في ممارستنا الانتخابيه وكل الكلام دا في ظل نظام ديمقراطي سليم اما بخصوص مايجري الان كلنا نعرف ان هذا النظام لن يخدم احدا الا في ظروف معينه تتراوح بين مصالح كثيفه متشابكه والبندقيه وهذا الكلام قالوه علي رؤؤس الاشهاد |
| All times are GMT. The time now is 04:56 PM. |
Copyright ©2000 - 2024, Futeis.com