الأخ مامون............ضحكت حتي القرقرة....وانا اتخيلك متفاجي.......بالمضيفة
قالو الجاتك في مالك سامحتك.........لكن تصل للدرجة دي.....قصدك ساي
واصل ونحن متابعين

الاخ مامون اولا حمدالله علي السلامة ون شاء الله تكون اجازة ممتعة
تعرف انو انا ماعندي صبر نهائي بدور اكمل اي حاجة في ساعتا
وكان موضوعك الشيق دا بطول انا بتصل عليك وتحكي لي بس

هيثم كيف حالك -وكل سنة وإنت وناس البيت بخير
عبد العزيز خير الله أزيك -والبركة فيكم -والله تخوف أها بكمل ليك بس ما تعصر علي علشان الراس ما بجمع كويس

عندما لاحت لنا الخرطوم من عل تخيلت بإنها قد ضربت من قبل الحركة الشعبية أو قوات معادية وإنها قد صارت متساوية مع الأرض ونسيت قصة البنيان الأفقي الممتد في كل السودان تظهر الخرطوم كما تظهر على قوقل إيرث متساوية مع الأرض وتحسبها المنازل كأنها أواض زراعية .
وعلى الرغم من هذا المنظر إلا إن دواخلنا كانت مليئة جدا بالفرحة في تلك اللحظة -وما إن بدأت الطائرة في الهبوط على مدرج المطار حتى أحسست بطعم وريحة البلد -وكنت متخيل أي زول في المطار الليلة بسلم علينا بالأحضان لكن خاب ظني بمجرد أن وقفنا طويلا في باب صالة الوصول بسبب إغلاقة للصلاة حسب زعمهم وكنا 24 راكب بأطفالنا في الطائرة ..
ولما فتح لنا باب الصالة بعد جهد جهيد وصراخ الأطفال تعالى فؤجئنا بشخص يوزع علينا أوراق عند مدخل الصالة لتعبئتها -وإذا بها بيانات الدخول التي أخذت منا وقتا طويلا بسبب عدم أخذ أقلام معنا فجميع ركاب الطائرة كان لديهم 2 قلم جاف -وهاك ياسب وزهج من أول ربع ساعة قبل الدخول
نواصل

عاطف حبابك
والبيت ماشاء الله جميل ربنا يخدر ضراعك ماقصرت والله ويديك العافية
بس مالقيت لي طريقة قعدت مع بت البشير كنت جاري جري شديد لكن لفيت الفريق وناسوا الطيبين

الحمد لله دخلنا الصالة بعد جهد كبير من أجل تعبئة أوراق الدخول - استلمنا شنيطاطنا .
خدمات الرحلات بين الولايات صارت نوعا ما جيدة وهناك العديد من الشركات بجانب الليموزن تعمل في مطار الخرطوم ..
بكسي عادي -وبكسي دبل كابين - تاكسي - بي سعر - والمكيفة بي سعر براها يعني حق التكييف لازم تتدفعه قلنا خير
ركبنا بكسي دبل كابين متجهين صوب طابت المحمود - وما إن خرجت السيارة من منطقة العمارات متجهة صوب طريق مدني الخرطوم حتى بدأت التعليقات الساخرة والأسئلة البايخة من الشفع (هديل ومحمد )
ده مالوا كده -السيارات دي مالها عامله كده - ليه هنا الواطة ظاهرة (يعني ما مسفلته )- ووالناس دي لونها مالو كده شربان - وووووو سائق السيارة يضحك وأنا أكتم عيظاً داخلي .. وبدأت في الطريق أعد العدة لمواجهة سخريات ناس البيت من تعليقات الشفع ...
زمان كنا بنقول أولاد المغرتبين ديل حناكيش ومدلعين -لكن لقينا القصة ما دلع إنما عدم وجود أبسط مقومات الحياة هو الذي يولد التعليقات المزعجة لدى الغير ويسبب لك أنت الإحراج مع الناس الكبار ....
كان الطريق إلى الحصاحيصا جيملا في نظري ونظر حرمنا وأعاد لنا ذكريات شتى وجميلة .. لكن في نفس اللحظة كان ثقيلا على العيال ومغفرا وموحشا ...
الطريف في الأمر ...الصغار الإثنين عندهم مشكلة مع الحيوانا ت ماشافوها ولا بعرفوها كل ما تجي بقرة ولا حمار ماشي جنب الظلط تسمع بابا بابا شوف هو هو هو والسواق مفقوع من الضحك
وصلنا الحصاحيصا -وعندما مررنا بالحصاحيصا القديمة والمعهد والصناعية تذكرت أناس عزاز علي مروا هنا من 83-86م ود الخليل - عكيوة - سيف الدين - سر الدين - والصادق الشيخ بالمعد -أنس - محمد يوسف عباس ووووووو
وشمعة فطيس التي إنطفأ بريقها سريعاً أستاذنا وأستاذ الأساتذة المغفور له بإذن الله الصاوي عبد الله ....
طافت بي خيالات جميلة جدا في تلك اللحظة حتى قطع حبل أفكاري وخيالاتي عربة أتوس تنهب الطريق نهباً متجهة صوب ريفنا الحبيب بصوت ينبعث منها بشكل عالي جدا تضرب له جوانبي ضربنا كانما أراد صاحب هذه الأتوس أن يستقبلني بطريقته الخاصة وكأنه كان يعلم أن يكمن ضعفي في الغناء الذي لا أجيد الإستماع إليه في هذه الفترة
كان المغني وما أجمل صوته حين يصدح
الزاهى فى خدرو
ما تألم
الا يوم كلم وتكلم
حنو قلبو دمعو سال
هف بيه الشوق
قال وقال
باهى كلما قال له كلمة
خت كلمة كالنبال
لوتراه
فى سماه
النور كساه
الجمال
كنت تعلم
كيف جهنم
تحرق الجنب الشمال
قالو ليه القطر تقدم
وكفره نيرانها كجهنم
حن قلبو
ودمعو سال
هف بيه الشوق
قال وقال
كلموه
الموه
علموه الانفعال
ارخى سمعو
واجرى دمعو
البرق كال وهال

إنه الفنان الرائع جدا أحمد المصطفى يرحمه الله لم لا يعرفه
أوصل

ياخوي مالك طشين من الموضوع

ما تبقي ذي طشتك ديك من موضوع الرخصه الدوليه

عوضين كيف حالك والله مشتاقين لشوفتك
وياخوي مسعول من الخير ود جرجور حي ولا راح فيها
ما طنشت لكن والله العظيم موضوع السايفون بتاع المستشفى شاغلني شوية ومن الصباح للمساء شغال إتصالات .
الموضوع عايز نفسيات لترتيب الأفكار
لك مودتي وإحترامي